చిత్రం: నువ్వే నువ్వే (2002)
సంగీతం: కోటి
సాహిత్యం: సిరివెన్నెల
గానం: శంకర్ మహదేవన్
నటీనటులు: తరుణ్ , శ్రేయ శరన్
కథ, మాటలు ( డైలాగ్స్ ), స్క్రీన్ ప్లే, దర్శకత్వం: త్రివిక్రమ్ శ్రీనివాస్
నిర్మాత: స్రవంతి రవికిశోర్
విడుదల తేది: 10.10.2002
చెలియా నీవైపే వస్తున్నా...
కంటపడవా ఇకనైనా ఎక్కడున్నా
నిద్దరపోతున్న రాతిరినడిగా
గూటికి చేరిన గువ్వలనడిగా
చల్లగాలినడిగా ఆ చందమామనడిగా
ప్రియురాలి జాడ చెప్పరేమనీ...
అందరినీ ఇలా వెంటపడి అడగాలా
సరదాగా నువ్వే ఎదురైతే సరిపోదా
చల్లగాలినడిగా ఆ చందమామనడిగా
ప్రియురాలి జాడ చెప్పరేమనీ...
అందరినీ ఇలా వెంటపడి అడగాలా
సరదాగా నువ్వే ఎదురైతే సరిపోదా
ఓ... అసలే ఒంటరితనం అటుపై నిరీక్షణం
అసలే ఒంటరితనం అటుపై నిరీక్షణం
అరెరే పాపమనీ జాలిగా చూసే జనం...
గోరంత గొడవ జరిగితే కొండంత కోపమా
నన్నొదిలి నువ్వు ఉండగలవ నిజం చెప్పవమ్మా
అందరినీ ఇలా వెంటపడి అడగాలా
సరదాగా నువ్వే ఎదురైతే సరిపోదా
నిద్దరపోతున్న రాతిరినడిగా
గూటికి చేరిన గువ్వలనడిగా
చల్లగాలినడిగా ఆ చందమామనడిగా
ప్రియురాలి జాడ చెప్పరేమనీ...
అందరినీ ఇలా వెంటపడి అడగాలా
సరదాగా నువ్వే ఎదురైతే సరిపోదా
ఓ... నువ్వు నా ప్రాణం అని విన్నవించు ఈ పాటని
నువ్వు నా ప్రాణమని విన్నవించు ఈ పాటని
ఎక్కడో దూరానున్నా చుక్కలే విన్నా గాని...
కదిలించలేద కాస్త కూడ నీ మనస్సుని
పరదాలు దాటి ఒక్కసారి పలకరించవేమే
అందరినీ ఇలా వెంటపడి అడగాలా
సరదాగా నువ్వే ఎదురైతే సరిపోదా
నిద్దరపోతున్న రాతిరినడిగా
గూటికి చేరిన గువ్వలనడిగా
తానేన తన తాన నన తాన నన
తానేన తన తాన నన నా
ఓ ఓ ఓ తన నన నా తన నన నా
********** ********** *********
చిత్రం: నువ్వే నువ్వే (2002)
సంగీతం: కోటి
సాహిత్యం: సిరివెన్నెల
గానం: చిత్ర
ఏ చోట ఉన్నా... ఉన్నా ఉన్నా
నీ వెంట లేన... లేన లేన
సముద్రమంతా నా కన్నుల్లో కన్నీటి అలలౌతుంటే
ఎడారి అంతా నా గుండెల్లో నిట్టుర్పు సెగలౌతుంటే
రేపు లేని చూపు నేనై శ్వాస లేని ఆశ నేనై మిగలనా
నువ్వే నువ్వే కావాలంటుంది పదే పదే నా ప్రాణం
నిన్నే నిన్నే వెంటాడుతూ ఉంది ప్రతి క్షణం నా మౌనం
ఏ చోట ఉన్నా... నీ వెంట లేన
సముద్రమంతా నా కన్నుల్లో కన్నీటి అలలౌతుంటే
ఎడారి అంతా నా గుండెల్లో నిట్టుర్పు సెగలౌతుంటే
చరణం: 1
నేల వైపు చూసే నేరం చేశావని
నీలి మబ్బు నిందిస్తుందా వాన చినుకుని
గాలి వెంట వెళ్ళే మారం మానుకోమని
తల్లి తీగ భందిస్తుందా మల్లె పూవుని
ఏమంత పాపం ప్రేమ ప్రేమించడం
ఇకనైనా చాలించమ్మా వేధించడం
చెలిమై కురిసే సిరివెన్నెలవ క్షణమై కరిగే కలవా ఆ ఆ
నువ్వే నువ్వే కావాలంటుంది పదే పదే నా ప్రాణం
నిన్నే నిన్నే వెంటాడుతూ ఉంది ప్రతి క్షణం నా మౌనం
రేపు లేని చూపు నేనై శ్వాస లేని ఆశ నేనై మిగలనా
చరణం: 2
వేలు పట్టి నడిపిస్తుంటే చంటి పాపలా
నా అడుగులు అడిగే తీరం చేరేదెలా
వేరెవరో చూపిస్తుంటే నా ప్రతి కలా
కంటి పాప కోరే స్వప్నం చూసేదెలా
నాక్కూడ చోటేలేని నా మనసులో
నిన్నుంచగలనా ప్రేమ ఈ జన్మలో
వెతికే మజిలి దొరికే వరకు నడిపే వెలుగై రావా ఆ ఆ
నువ్వే నువ్వే కావాలంటుంది పదే పదే నా ప్రాణం
నిన్నే నిన్నే వెంటాడుతూ ఉంది ప్రతి క్షణం నా మౌనం
ఏ చోట ఉన్నా... నీ వెంట లేన
సముద్రమంతా నా కన్నుల్లో కన్నీటి అలలౌతుంటే
ఎడారి అంతా నా గుండెల్లో నిట్టుర్పు సెగలౌతుంటే
********* ********** ***********
చిత్రం: నువ్వే నువ్వే (2002)
సంగీతం: కోటి
సాహిత్యం: సిరివెన్నెల
గానం: కె.కె.
అయామ్ వెరీ సారీ అన్నాగా వందోసారి
సరదాగా నవ్వేసెయ్ ఒకసారి
అయామ్ వెరీ సారీ అన్నాగా వందోసారి
సరదాగా నవ్వేసెయ్ ఒకసారి
హయో హయో హయో పెదాలలా బిగించి
శపించకే మరీ మంత్రాలవీ జపించి వదిలెయ్ క్షమించి
అరె పాపం చిరుకోపం నిజమేనా మేకప్పా
అరె పాపా సారీ చెప్పా ఓ మై గోల్డెన్ చేపా
ఫారెక్స్ బేబీ టైపా లౌలీ లాలి పాప్పా
అయామ్ వెరీ సారీ అన్నాగా వందోసారి
సరదాగా నవ్వేసెయ్ ఒకసారి
ఓ అయామ్ వెరీ సారీ అన్నాగా వందోసారి
సరదాగా నవ్వేసెయ్ ఒకసారి
చరణం: 1
తరిమి తరిమి తరిమి నిను ఏడిపించడం ఎందుకా అని అడిగావనుకో చెబుతా వింటావా మరి
తరిమి తరిమి తరిమి నిను ఏడిపించడం ఎందుకా అని అడిగావనుకో చెబుతా వింటావా మరి
సమ్మర్ గిమ్మర్ వింటర్ అంటూ ప్రతీ రుతువుకో డిఫరెన్సూ ఉన్నప్పుడే కద బాగుంటుంది
చిరునవ్వు తప్ప నీ ఫేసుకెప్పుడూ మరో కలర్ రాదా
అని డౌటుపుట్టి అదె తీర్చుకుందుకే
తమాషాగా ట్రైలేసి చూశానే బేబే
అయామ్ వెరీ సారీ అన్నాగా వెయ్యోసారి
సరదాగా నవ్వేసెయ్ ఒకసారి
హే అయామ్ వెరీ సారీ అన్నాగా వెయ్యోసారి
సరదాగా నవ్వేసెయ్ ఒకసారి
చరణం: 2
లిప్స్టిక్ అవసరమైనా లేనంత ఎర్రగా పెదవి ఉందిగా
కందే వరకూ కొరికి తెగ హింసించకే
లిప్స్టిక్ అవసరమైనా లేనంత ఎర్రగా పెదవి ఉందిగా
కందే వరకూ కొరికి తెగ హింసించకే
టొమేటో పళ్ళకి డూపుల్లా సుమారు సిమ్లా యూపిల్లా ఉన్నావే పిల్లా నువు నిలువెల్లా
నీ బంగమూతితో పొంగనీయకే బుగ్గలు బర్గర్లా
నన్నుండనీయక ఊరించితే అవి
నిజం చెప్పు నీ తప్పు కాదా అదీ...
అయామ్ వెరీ సారీ అన్నాగా వెయ్యోసారి
సరదాగా నవ్వేసెయ్ ఒకసారి
ఓ అయామ్ వెరీ సారీ అన్నాగా వెయ్యోసారి
సరదాగా నవ్వేసెయ్ ఒకసారి
హయో హయో హయో పెదాలలా బిగించి శపించకే మరీ మంత్రాలవీ జపించి వదిలెయ్ క్షమించి
********** ********* *********
చిత్రం: నువ్వే నువ్వే
సంగీతం: కోటి
సాహిత్యం: సిరివెన్నెల
గానం: రాజేష్ , కౌశల్య
అమ్మాయి నచ్చేసింది ఆహ్వానమిచ్చేసింది
ఓ ముద్ద మందారంలా ముస్తాబయ్యిందీ
వైశాఖ మొచ్చేసింది ఇవ్వాళ రేపో అంది
ఓ మంచి మూర్తం చూసి సిద్ధం కమ్మందీ
ఓ...ఓ...ఓ...
ఈ కబురు విన్న ఎదలో ఎన్నెన్ని పొడుపు కధలో
మనువే కుదిరీ కునుకే చెదిరి
మురిపెం ముదిరి నా మనసు నిలవనందీ
కొమ్మల్లో చిలకా మోమాట పడక వచ్చి వాలమ్మా
అమ్మాయి నచ్చేసింది ఆహ్వానమిచ్చేసింది
ఓ ముద్ద మందారంలా ముస్తాబయ్యిందీ
చరణం: 1
ఈ గాలి రోజూలా వీస్తున్నా ఈ వేల వేరేలా వింటున్నా సన్నాయి రాగాలుగా
నావైపు రోజూలా చూస్తున్నా ఈనాడు ఏదోలా అవుతున్న నీ కన్ను ఏమన్నదో
ఓ...నా ఈడు ఏం విన్నదో
ఆశ పెట్టి పెట్టి పెట్టి చంపొద్దమ్మా ఇట్టా
నువ్వు పట్టి పట్టి పట్టి చూస్తూ ఉంటే ఎట్టా
ఎన్నెన్నొ అంటించి ఉక్కిరి బిక్కిరి అవుతున్నా
కొమ్మల్లో చిలకా మోమాట పడక వచ్చి వాలమ్మా
అమ్మాయి నచ్చేసింది ఆహ్వానమిచ్చేసింది
ఓ ముద్ద మందారంలా ముస్తాబయ్యిందీ
చరణం: 2
ముత్యాల మేనాలే రప్పించి మేఘాల వీధుల్లో తిప్పించి ఊరేగనీ హాయిగా
అందాల హద్దుల్నే తప్పించి వందేళ్ళ కౌగిల్లే అందించీ ఊరించు ఆ వేడుక
ఓ... ఊహించనీ నన్నిలా
ఏంటి గిచ్చి గిచ్చి రెచ్చ గొట్టేలా నువ్వూ
ఇంత పిచ్చి పిచ్చి పిచ్చి పెంచేస్తొందే నువ్వూ హోయ్
కవ్వించి కరిగించి కరిగే వయసుని కాపాడు
కొమ్మల్లో చిలకా మోమాట పడక వచ్చి వాలమ్మా
అమ్మాయి నచ్చేసింది ఆహ్వానమిచ్చేసింది
ఓ ముద్ద మందారంలా ముస్తాబయ్యింది
ఓ...ఓ...ఓ...ఈ కబురు విన్న ఎదలో
ఎన్నెన్ని పొడుపు కధలో
మనువే కుదిరీ కునుకే చెదిరి
మురిపెం ముదిరి నా మనసు నిలవనంది
కొమ్మల్లో చిలకా మోమాట పడక వచ్చి వాలమ్మా
********** ********* *********
చిత్రం: నువ్వే నువ్వే
సంగీతం: కోటి
సాహిత్యం: సిరివెన్నెల
గానం: ఉదిత్ నారాయణ్ , నిత్య సంతోషిని
నా మనసుకేవయింది నీ మాయలో పడింది
నిజమా కలా తెలిసేదెలా
నాకు అలాగె ఉంది ఎన్నో అనాలనుంది
దాచేదెలా లోలోపల
మన ఇద్దరికి తెలియనిది ఏదో జరిగే ఉంటుంది
అందుకే ఇంతలా గుండె ఉలికి పడుతు ఉంది
నా మనసుకేవయింది నీ మాయలో పడింది
నిజమా కలా తెలిసేదెలా
చుక్కలే తెచ్చి ఇవ్వనా అంది నీ మీద నాకున్న ప్రేమ
కొత్తగా ఉంది బొత్తిగా నమ్మలేనంత ఈ వింత ధీమా
జంటగా వెంట నువ్వుంటే అందడా నాకు ఆ చందమామ
అందుకే నాకు నువ్వంటే మాటలో చెప్పలేనంత ప్రేమ
పంచుకున్న ముద్దులో ఇలా జతే పడి
పెంచుకున్న మత్తులో పడి మతే చెడి
గాలితో చెప్పనీ మన మొదటి గెలుపు ఇదని
నా మనసుకేవయింది నీ మాయలో పడింది
నిజమా కలా తెలిసేదెలా
ఎప్పుడూ గుండె చప్పుడు కొట్టుకుంటుంది నీ పేరు లాగ
ఎప్పుడో అప్పుడప్పుడు గుర్తుకొస్తొంది నా పేరు కొద్దిగ
ఒంటిగా ఉండనివ్వదు కళ్ళలో ఉన్న నీ రూపురేఖ
ఇంతగా నన్ను ఎవ్వరూ కమ్ముకోలేదు నీలా ఇలాగ
లోకమంటె ఇద్దరే అదే మనం అని
స్వర్గమంటె ఇక్కడే అంటే సరే అని
వెన్నెలే పాడనీ మన చిలిపి చెలిమి కథని
నా మనసుకేవయింది నీ మాయలో పడింది
నిజమా కలా తెలిసేదెలా
నాకు అలాగె ఉంది ఎన్నో అనాలనుంది
దాచేదెలా లోలోపల
మన ఇద్దరికి తెలియనిది ఏదో జరిగే ఉంటుంది
అందుకే ఇంతలా గుండె ఉలికి పడుతు ఉంది
Share This:
