Court (2025)

---

చిత్రం: కోర్ట్ (2025)
సంగీతం: విజయ్ బుల్గానిన్ 
నటీనటులు: ప్రియదర్శి పులికొండ, హర్ష రోషన్, శ్రీదేవి 
దర్శకత్వం: రామ్ జగదీష్ 
నిర్మాత: ప్రశాంతి తిపిర్నేని
విడుదల తేది: 14.03.2025

---

Songs List:

  01. Premalo



 

  
 ప్రేమలో..  పాట సాహిత్యం


 
చిత్రం: కోర్ట్ (2025)
సంగీతం: విజయ్ బుల్గానిన్ 
సాహిత్యం: పూర్ణా చారి 
గానం: అనురాగ్ కులకర్ణి , సమీర భరద్వాజ్ 

పల్లవి:
వేల వేల వెన్నెలంత 
మీద వాలి వెలుగునంత 
మోయమంటే నేను ఎంత.. అరెరే.... 

చిన్ని గుండె ఉన్నదెంత 
హాయి నింపి గాలినంత 
ఊదమంటే ఊపిరెంత.. అరెరే.. 

కళ్ళు రెండు పుస్తకాలు భాష లేని అక్షరాలు 
చూపులోనే అర్థమయ్యే.. అన్ని మాటలూ... 
ముందు లేని ఆనవాలు లేనిపోని కారణాలు 
కొత్త కొత్త ఓనమాలు.. ఎన్ని మాయలూ..

కథలెన్నో చెప్పారు కవితల్ని రాసారు 
కాలాలు దాటారు యుద్ధాలు చేశారు ప్రేమలో.. 
తప్పు లేదు ప్రేమలో..

చరణం: 1
ఆకాశం తాకాలి అని ఉందా 
నాతోరా చూపిస్తా ఆ సరదా 
నేలంతా చుట్టేసే వీలుందా 
ఏముంది ప్రేమిస్తే సరిపోదా 
అహ.. మబ్బులన్ని కొమ్మలై పూలవాన పంపితే 
ఆ..వాన పేరు ప్రేమలే దాని ఊరు మనములే 
ఏ మనసుని ఏమడగకు ఏ ఋజువుని.. ఓ.. అంతే.. ఓ..       IIకథలెన్నోII

చరణం: 2
ఎంతుంటే ఏంటంటా దూరాలు 
రెక్కల్లా ఐపోతే పాదాలు 
ఉన్నాయా బంధించే దారాలు 
ఊహల్లో ఉంటుంటే ప్రాణాలు 
అరె.. నింగిలోని చుక్కలే కిందకొచ్చి చేరితే 
అవి.. నీకు ఎదురు నిలిపితే ఉండిపోవ ఇక్కడే 
జాబిలి ఇటు చేరెను పొరపాటున అని.. ఓ.. అంతే.. ఓ..... IIకథలెన్నోII

Share This: