చిత్రం: గాజుల కృష్ణయ్య (1975) సంగీతం: కె.వి.మహదేవన్ నటీనటులు: కృష్ణ, జరీనా దర్శకత్వం: ఆదుర్తి సుబ్బారావు నిర్మాతలు: ఆదుర్తి భాస్కర్, యమ్.యస్.ప్రసాద్ విడుదల తేది: 09.10.1975
Songs List:
వేసుకో ఈ గాజులు.. పాట సాహిత్యం
చిత్రం: గాజుల కిష్టయ్య (1975) సంగీతం: కె. వి. మహదేవన్ సాహిత్యం: ఆచార్య ఆత్రేయ గానం: యస్.పి.బాలు, మాధవపెద్ది రమేష్ పల్లవి: వేసుకో ఈ గాజులు.. చూసుకో నీ సొగసులు వేసుకో ఈ గాజులు.. చూసుకో నీ సొగసులు ఏ వయసుకాగాజులు.. ఏడు వారాలకు గాజులు ఏ వయసుకాగాజులు.. ఏడు వారాలకు గాజులు గాజులు గాజులు గాజులు గాజులు.. గాజులు గాజులు గాజులు గాజులు వేసుకో ఈ గాజులు చూసుకో నీ సొగసులు చరణం: 1 ఎరుపు పసుపు ఆకుపచ్చ నీలి గాజులు రబ్బరు గాజులు.. లక్క గాజులు.. మట్టి గాజులు.. గట్టి గాజులు చెయ్యి చూసి సైజు చూసి నైసుగ వేస్తాము అమ్మా.. అబ్బా.. నొప్పి.. గిప్పీ.. అనకుండా వేస్తాము చెయ్యి చూసి సైజు చూసి నైసుగ వేస్తాము అమ్మా.. అబ్బా.. నొప్పి.. గిప్పీ.. అనకుండా వేస్తాము వేసినట్టె తెలియదు.. తీసుకోను బాధలేదు వేసినట్టె తెలియదు.. తీసుకోను బాధలేదు మనం గాజులేస్తే చాలు.. సినిమా స్టారులౌతారు అమ్మా.. తల్లీ.. చెల్లీ.. బుల్లీ వేసుకో ఈ గాజులు.. చూసుకో నీ సొగసులు చరణం: 2 కన్నె పిల్లలేసుకుంటే కళ్యాణమవుతుంది.. అవును తప్పకుండా అవుతుంది కట్టుకున్న మొగుడికి మోజే పెరుగుతుంది.. ఆ పెరిగి తీరుతుంది మోజు మోజుగా ఉంటూ ముచ్చటగా ప్రతి ఏడూ క్యారు క్యారు క్యారు మంటూ పెరుగుతుంది కాపురం అమ్మా.. తల్లి.. బుల్లీ.. చెల్లీ.. వేసుకో ఈ గాజులు చూసుకో నీ సొగసులు ఏ వయసుకాగాజులు ఏడు వారాలకు గాజులు గాజులు గాజులు గాజులు గాజులు గాజులు గాజులు గాజులు గాజులు వేసుకో ఈ గాజులు చూసుకో నీ సొగసులు గాజులోయ్ గాజులూ
నవ్వులు రువ్వే పువ్వమ్మా పాట సాహిత్యం
చిత్రం: గాజుల కృష్ణయ్య (1975) సంగీతం: కె. వి.మహదేవన్ సాహిత్యం: ఆత్రేయ గానం: యస్.పి.బాలు పల్లవి: నవ్వులు రువ్వే పువ్వమ్మా - నీ నవ్వులు నాకు ఇవ్వమ్మా ఉన్న నాలుగునాళ్లూ నీలా ఉండిపోతే చాలమ్మా చరణం: 1 ఆకుల పయ్యెదలో నీ ఆడతనాన్ని దాచావు రేకుల కెంపులలో నీ రేపటి ఆశలు నింపావు ఆ ముసుగుతీసిన ముద్దుముఖాన మొగ్గ సొగసే వుందమ్మా చరణం: 2 ఈ తోటమొత్తము కమ్మినవి - నీ దోరవయసు అందాలు - ఈ గాలి మత్తులో వున్నవి - నీ కన్నె మనసులో కైపులు నువ్వొలకబోసే ఒంపు సొంపులకు ఒడిని పడతానుండమ్మా చరణం: 3 ఏ కొమ్మకు పూచావో ఏ కమ్మని తేనెలు తెచ్చావో ఏ పాటకు మురిసేవో ఏ తేటికి విందులు చేసేవో పాటగానో తేటిగానో పదినాళ్లున్నా చాలమ్మా
ఇన్ని రోజులింత సొగసు పాట సాహిత్యం
చిత్రం: గాజుల కిష్టయ్య (1975) సంగీతం: కె. వి. మహదేవన్ సాహిత్యం: ఆచార్య ఆత్రేయ గానం: యస్.పి.బాలు, సుశీల పల్లవి: ఇన్ని రోజులింత సొగసు ఏడ దాచుకున్నావు? ఇంత కాలమింత మనసు ఏమి చేసుకున్నావు? ఇన్ని రోజులింత సొగసు ఏడ దాచుకున్నావు? ఇంత కాలమింత మనసు ఏమి చేసుకున్నావు? ఇన్ని రోజులింత సొగసు ఏడ దాచుకున్నావు? చరణం: 1 మనసు నాకు ఉన్నదని నీ మనసే వచ్చి తెలిపినది మూసివున్న ఆ తలుపులు నువ్వే మొదటిసారిగ తెరిచినది మనసు నాకు ఉన్నదని నీ మనసే వచ్చి తెలిపినది మూసివున్న ఆ తలుపులు నువ్వే మొదటిసారిగ తెరిచినది సూర్యుని వెలుగు సోకినప్పుడే తామర అందం తెలిసేది సూర్యుని వెలుగు సోకినప్పుడే తామర అందం తెలిసేది నీ చూపులు నాఫై పడినప్పుడే సొగసులు నాలో విరిసేది ఇన్ని రోజులింత సొగసు ఏడ దాచుకున్నావు? చరణం: 2 అందలాన అందీ అందని అందమల్లే నువ్వున్నావు అందుకోను చేయి జాపే ఆశల్లే నేనున్నాను అందలాన్ని దిగివచ్చాను.. అందుకొమ్మని చేయిచ్చాను ఆకు చాటు మల్లెను నేను.. అంతకన్నా ఏం చేస్తాను ఇన్ని రోజులింత సొగసు ఏడ దాచుకున్నావు? ఇంత కాలమింత మనసు ఏమి చేసుకున్నావు? చరణం: 3 కాటు వేసే కరినాగే నీ కౌగిలిలో నను చేర్చినది కాటు వేసే కరినాగే నీ కౌగిలిలో నను చేర్చినది ఓర్వలేని ఈ విషలోకం విడదీస్తే ఏం చేసేది మనసిస్తే చాలును నాకు.. నువు మాటిస్తే చాలును నాకు మనసులేని మనుషుల మాటే వద్దు ఇంక నీకు నాకూ ఇన్ని రోజులింత సొగసు ఏడ దాచుకున్నావు? ఇంత కాలమింత మనసు ఏమి చేసుకున్నావు?
రారయ్యా పోయినవాళ్ళు పాట సాహిత్యం
చిత్రం: గాజుల కృష్ణయ్య (1975) సంగీతం: కె. వి.మహదేవన్ సాహిత్యం: ఆత్రేయ గానం: పి.సుశీల రారయ్యా పోయినవాళ్ళు ఎవరయ్యా ఉండే వాళ్ళు నవ్వు మరచి నన్ను మరచి ఎందుకు కన్నీళ్ళు ఇలా ఎన్నాళ్ళూ రారయ్యా పోయినవాళ్ళు ఎవరయ్యా ఉండే వాళ్ళు నవ్వు మరచి నన్ను మరచి ఎందుకు కన్నీళ్ళు ఇలా ఎన్నాళ్ళూ రారయ్యా పోయినవాళ్ళు తొలిసారి చూశాను నీ కళ్లను అవి చిలికాయి నవ్వుల వెన్నెలను తొలిసారి చూశాను నీ కళ్లను అవి చిలికాయి నవ్వుల వెన్నెలను నిలువునా పులకించాను కలువనై విరబూచాను మసకేసిన చందమామను ఏమని చూస్తాను నేనేమైపోతాను రారయ్యా పోయినవాళ్ళు నీ కళ్లకే కాదు కన్నీళ్లకూ నే తోడు ఉంటాను ఏ వేళకూ నీ మమతలే కాదు నీ కలతనూ నే పంచుకుంటాను ప్రతి జన్మకూ నీ మమతలే కాదు నీ కలతనూ నే పంచుకుంటాను ప్రతి జన్మకూ రారయ్యా పోయినవాళ్ళు నిదురల్లె వస్తాను నీ కంటికి చిరునవ్వు తెస్తాను నీ పెదవికి నిదురల్లె వస్తాను నీ కంటికి చిరునవ్వు తెస్తాను నీ పెదవికి అమ్మల్లె లాలించి అనురాగం పలికించి మళ్ళీ నిను మనిషిని చేస్తా అన్నీ మరపించి నిన్నే నవ్వించి రారయ్యా పోయినవాళ్ళు
వద్దు వద్దు పాట సాహిత్యం
చిత్రం: గాజుల కృష్ణయ్య (1975) సంగీతం: కె.వి.మహదేవన్ సాహిత్యం: ఆత్రేయ గానం: యస్.పి.బాలు వద్దు వద్దురా ఈ పాపం మాత్రం చేయద్దురా దేవాలయాలలో దేవుడు ఉన్నాడో లేడో ప్రేమించిన హృదయాలలో మాత్రం తప్పక వున్నాడు - వాడు అక్కడే ఉంటాడు వాడికి ద్రోహం చేయద్దు - వాటిని దూరం చేయద్దు వద్దు వద్దు ఈ పాపం మాత్రం చేయద్దు ప్రేమించిన హృదయాలను ముక్కలు చేయద్దు పిరికివాళ్ళెన్నడూ ప్రేమించరాదు ప్రేమ ఒకసారి తగిలితే ఆరిపోదు అగ్గిపంటి అనురాగాన్ని భయపడి దాచొద్దు నీ గుండెను నిప్పుకుండగా మోసుకు చావద్దు ఎప్పుడో బద్దలవుతుంది ఎందరినో బలి కొంటుంది. మూగ బాధ నీ గొంతును నులిమి నిజాన్ని దాస్తుంది. ఏడ్పించి ప్రేమను ఓడించ లేవు అది ఎంత వెచ్చని కన్నీరైతే అంత రెచ్చిపోతుంది . కలిమి వలపును ఒకే త్రాసులో తూకం వేయద్దు కులము మతమను కొలబద్దలతో కొలిచి చూడవద్దు మనిషిని మనసుతో కొలవాలి. మనసును మమతతో తూచాలి. మేడలు గోడలు ఆపవు వలచిన హృదయాన్నీ
రేపు వస్తానన్నావు పాట సాహిత్యం
చిత్రం: గాజుల కృష్ణయ్య (1975) సంగీతం: కె. వి.మహదేవన్ సాహిత్యం: ఆత్రేయ గానం: యస్.పి.బాలు, పి.సుశీల రేపు వస్తానన్నావు ఈ మాపు ఎక్కడ ఉంటావు నీ కళ్ళలోనే తెల్లవార్లు కాపురముంటాను రేపటికొస్తాను రేపు ఎంతో తియ్యనిదీ నేటి కన్నా కమ్మనిదీ మాపు వచ్చే కలలకు రూపు రేపులోనే ఉన్నదీ రేపు ఎంతో తియ్యనిదీ నేటి కన్నా కమ్మనిదీ మాపు వచ్చే కలలకు రూపు రేపులోనే ఉన్నదీ రేపు ఎంతో తియ్యనిదీ నేటి కన్నా కమ్మనిదీ నిన్న ఆశలు నేడు తొడిగిన మొగ్గలౌతాయి నేటి మొగ్గలు రేపు విరిసిన పువ్వులౌతాయి నిన్న ఆశలు నేడు తొడిగిన మొగ్గలౌతాయి నేటి మొగ్గలు రేపు విరిసిన పువ్వులౌతాయి కొత్త కొత్త సోయగాలు కునుకు తీస్తూ ఉంటాయి మెత్త మెత్తగ కౌగిలిస్తే మేలుకొంటాయి హాయ్ మిడిసిపడతాయి హ ఓ హ ఓ రేపు ఎంతో తియ్యనిదీ నేటి కన్నా కమ్మనిదీ మాపు వచ్చే కలలకు రూపు రేపులోనే ఉన్నదీ రేపు ఎంతో తియ్యనిదీ నేటి కన్నా కమ్మనిదీ ముసుగు తీయని తామరల్లే నీవు ఉంటావు ముసురు వీడిన సూర్యుడల్లే నీవు వస్తావు ముసుగు తీయని తామరల్లే నీవు ఉంటావు ముసురు వీడిన సూర్యుడల్లే నీవు వస్తావు రేకు రేకు గడియ తీసి లేత వయసు తలుపు తెరిచి రేపు వడిలో రకరకాల రుచులు చూస్తాము తెలుసుకుందాము హ ఓ హ ఓ రేపు ఎంతో తియ్యనిదీ నేటి కన్నా కమ్మనిదీ మాపు వచ్చే కలలకు రూపు రేపులోనే ఉన్నదీ రేపు ఎంతో తియ్యనిదీ నేటి కన్నా కమ్మనిదీ
Share This:
