చిత్రం: నా నువ్వే (2018)
సంగీతం: శరత్
సాహిత్యం: అనంత శ్రీరాం
గానం: కార్తీక్, సప్తపర్ణ చక్రవర్తి
నటీనటులు: కళ్యాణ్ రామ్, తమన్నా
దర్శకత్వం: జయేంద్ర పంచపాకేషన్
నిర్మాత: కిరణ్ ముప్పవరపు, విజయ్ కుమార్ వట్టికూటి
విడుదల తేది: 14.06.2018
చినికి చినికి చిలిపి గాలి తడి
తగిలి తగిలి వలపు వానజడి
కురిసి కురిసి వయసు వాగువడి
పెరిగి పెరిగి మనసు గండిపడి
వరదై వరదై ఉరుకు ప్రేమనది
ఒడులై సుడులై కడలై ఎగిసినదే
ఏమైందో ఏమైందో
ఇపుడసలేమేమి ఔతుందో సమయం
ఎం చేయ్యమంటుందో తెలియదే
తెలియదే తెలియదే తెలియదే
ఈడు బరిలో అధరాలు నిలబడి
సైనికులుగా సమరాన కలబడి
ఏది గెలుపో మరిచేంత ఎగబడి
ఆత్రపడుతూ మరికొంత మెలిపడి
ఏకం అవుతూ తికమక
ఎదో చేస్తూ సుఖముల
రాజ్యాలేలే పదవిని
పొందాయేమో పెదవులిలా
మాయ మరుపే ముసిరింది మనలను
హాయి మెరుపే తెరిచింది కనులను
తీపి తలపే కలిపింది ఎదలను
చేరువయితే అరచెయ్యి వదలను
నేనే నీవై ఇప్పుడిక
నాలో నేనే మిగలను
నీలో శ్వాసై కదులుతూ
లోలో ఆశై కరిగెదనే
చినికి చినికి చిలిపి గాలి తడి
తగిలి తగిలి వలపు వానజడి
కురిసి కురిసి వయసు వాగువాడి
పెరిగి పెరిగి మనసు గండిపడి
వరదై వరదై ఉరుకు ప్రేమనది
ఒడులై సుడులై కడలై ఎగిసినదే
ఏమైందో ఏమైందో ఇపుడసలేమేమి
ఔతుందో సమయము
ఎం చేయమంటుందో తెలియదే
తెలియదే తెలియదే తెలియదే
తెలియదే తెలియదే
Share This:
No comments
Post a Comment