చిత్రం: ఈ కథలో పాత్రలు కల్పితం (2021)
సంగీతం: కార్తిక్ కొడకండ్ల
సాహిత్యం: శ్రేష్ఠ
గానం: దీపు, నూతన్ మోహన్
నటీనటులు: పవన్ తేజ్ కొణిదెల, మేఘన
దర్శకత్వం: అభిరామ్. యమ్
నిర్మాత: రాజేష్ నాయుడు
విడుదల తేది: 19.03.2021
ఏమిటో ఏమిటో ఇంతగా ఏమిటో
మనసుకింత అలజడేమిటో
తూలుతూ తేలుతూ నవ్వులెన్నో రువ్వుతూ
రేగుతున్న ఊహాలేమిటో
ఓ చినుకులా చిలుకలా చిలిపి చిలిపి ఊసులా
చిగురుతొడుగు ఆశలేమిటో
తలపులా తరగలా తరుముతున్న తపనలా
తెగువ చూపు తనము ఏమిటో
ఏమిటో ఏమిటో ఇంతలా ఏమిటో
మనసుకింత అలజడేమిటో
తూలుతూ తేలుతూ నవ్వులెన్నో రువ్వుతూ
రేగుతున్న ఊహాలేమిటో
నీ మాటలన్నీ ఓ ఊటలాగా
నా గుండె లోతుల్లో ఉప్పొంగగా
నా శ్వాసలోని ఈ వేగమేదో
నిను కలుసుకొమ్మంటు బ్రతిమాలగా
మాటలు కలిపే క్షణములకై వెతికే
కారణమేదో తెలిసే మదికే
ఈ మౌన భాష్యాల భావాలు తెలిసే కన్నులకే
ఏం చేస్తు ఉన్నా నీ ధ్యాస నన్నే
వెంటాడి ముద్దాడు చొరవేమిటో
ఈ కాస్తలోనే ఇంకాస్త అంటూ
నీ చెలిమినే కోరు చనువేమిటో
అడుగులు కదిపే ఎద లోపలి వలపే
మెలికలు తిప్పే మనలో మననే
ఓ మత్తు గమ్మత్తు కలలెన్నో కలవరపెడుతుంటే
నచ్చిన వాళ్ళు పక్కనుంటే
ఇంత ధైర్యంగా ఉంటుందని
నాకు ఇప్పుడు తెలిసింది
Share This:
No comments
Post a Comment